شرح تسطيب ويندوز 7 من غير ما تقفل الجهاز او ترسترة حصرى

من طرف sayedhagazy2009 الأربعاء نوفمبر 02, 2011 7:06 am

السلام عليكم ورحمة الله وبركاتة

هبدأ بداية غريبة شوية غير البدايات التقليدية المعتادة .
عنوان الموضوع الى يقرأة هيستغرب هيقول ازاى اسطب ويندوز على الكمبيوتر من غير ما ارستر الجهاز او اقفلة وانت شغال عادى جدا هتنزل ويندوز
ومجرد ما التسطيب ينتهى هترستر الجهاز وهيظهر الويندوز الجديد تقدر تبوت علية او على القديم
وهشرح قدامكم وبالفيديو كمان
بس فى ناس بتستغرب وانا انزل ويندوز تانى لية او اسطب لية على بارتيشن تانى
مش شرط بارتيشن تانى تنزل علية انت مجرد انك تكريت بارتيشن جديد بيظهر ملف انت بتحفظة فى المكان الى انت عاوزة دة ملف البارتيشن
ممكن الكلام يكون مش مفهوم شوية بس هبسطها شوية ..
لنفترض ان عندك بارتيشن مساحتة 50 جيجا وبارتيشن مساحتة 400 جيجا
عاوزين نكريت بارتيشن تانى وننزل علية ويندوز من غير ما نفرمت الهارد او نستخدم اى برامج ..
ودة هشرحة ان شاء الله
انا اسف طولت عليكم ..
تابعوا معايا
أحمد عطية مهندس شبكات . ميكروسوفت – سيسكو مهتم بمجال التكنولوجيا
متطلبات التطبيق :

1: مساحة فى الهارد لا تقل عن 60 جيجا وهقول لية ..
2: برنامج gimagex عشان نسطب بية الويندوز
3: برنامج EasyBCD 2.1 . ودة الى هنخلى الجهاز يقرأ الويندوز الجديد عند الإقلاع .
4: برنامج VMware الى هنطبق علية الشرح عشان لقدر الله لو حصل خطأ او مشكلة ..
5: نسخة ويندوز 7 او xp او Vista ..
ملحوظة : البرامج مرفقة فى الموضوع

بسم الله نبدأ الشرح .
فى الاول هنلقى نظرة على البارتيشن الى موجودة
هنلاقى زى ما انتوا شايفين 2 بارتيشن .

[ندعوك للتسجيل في المنتدى أو التعريف بنفسك لمعاينة هذه الصورة]

ولنفترض ان البارتيشن الى مساحتة 60 جيجا دة علية الداتا بتاعتك البرامج الالعاب القران
ولنفترض ان البارتيشن الى مساحتة 20 جيجا دة هو الى هينزل علية الويندوز الجديد .
ودة طبعا لو انت عامل بارتيشن جديد سواء كنت مكريتة او كنت مقسم الهارد من جديد وهشرحلك ازاى تكريت بارتيشن جديد على الهارد .
هنفتح برنامج gimagex
عشان نسطب النسخة .. وللعلم البرنامج نسختين نسخة x68 – x64
على حسب النسخة الى انت شغال عليها .

[ندعوك للتسجيل في المنتدى أو التعريف بنفسك لمعاينة هذه الصورة]

زى ماهو موضح امامكم
دالوقتى هنختار من الاختيارات الموجودة بالاعلى اختيار رقم 2 وهو Apply
هتظهر لنا الشاشة التالية

[ندعوك للتسجيل في المنتدى أو التعريف بنفسك لمعاينة هذه الصورة]

موجود عندنا خيارين :
source
destination
خيار source دة الى هنختار منة ملف التسطيب من نسخة الويندوز الموجودة فى السى دى او على جهاز الكمبيوتر
تابع فى الصورة التالية

[ندعوك للتسجيل في المنتدى أو التعريف بنفسك لمعاينة هذه الصورة]

ومسار الصورة على نفس الطريقة : D:\SOURCES\INSTALL.WIM
حيث D: هو السى دى ومسار الملف كما هو موضح D:\SOURCES\INSTALL.WIM
ولابد ان يكون الامتداد بصيغة WIM
ودة الاختيار الاول الى هو source …
نيجى على الاختيار التانى الى هو : destination
destination : تعنى البارتيشن الى هتنزل علية الويندوز
والبارتيشن دة الى اتفقنا علية الى هو E: الى مساحتة 20 جيجا
تابع الصورة التالية

[ندعوك للتسجيل في المنتدى أو التعريف بنفسك لمعاينة هذه الصورة]

وبكدة يبقى لسة باقى لينا اختيار الى هو select
والاختيار دة بقى هيريحك وخصوصا لو انت معدل النسخة او ضايف ليها نسخ كتير
زى الاسطوانة الى انا شارح عليها الدرس عشان اظهر الفايدة بتاع الاختيار
دة
لو انت مثلا معاك اسطوانة ويندوز وزى ما بنقول دى فيها كل الاسطوانات :
هختصر الكلام والصورة هتوضح المقصود :

[ندعوك للتسجيل في المنتدى أو التعريف بنفسك لمعاينة هذه الصورة]

هنختار الويندوز الى انت بتشتغل علية وبترتاح فية ويفضل Ultimate
وبعد كدة نضغط على Apply
وهيبدأ يسطب الويندوز زى ما انتوا شايفين

[ندعوك للتسجيل في المنتدى أو التعريف بنفسك لمعاينة هذه الصورة]

والصورة توضح انة تم الانتهاء من التسطيب .
[ندعوك للتسجيل في المنتدى أو التعريف بنفسك لمعاينة هذه الصورة]

_____________________
دالوقتى جية دور برنامج : EasyBCD

[ندعوك للتسجيل في المنتدى أو التعريف بنفسك لمعاينة هذه الصورة]

دى الواجهة الرئيسية بتاع البرنامج
هنختار منها Add New Entry
كما هو موضح :

[ندعوك للتسجيل في المنتدى أو التعريف بنفسك لمعاينة هذه الصورة]

كما هو موضح فى الصورة Operating System
هنلاقى فيها اكتر من اختيار
Windows – lunix – Mac
احنا هنختار Windows
خانة Type وهو الويندوز الى احنا سطبناة سواء كان سفن او اكس بى او فيستا
خانة Name وهى اسم الويندوز عند الإقلاع عاوز تسمية اية .. اكتب الاسم الى يريحك كما هو موضح
Drive: وهى البارتيشن الخاص بالويندوز الى احنا نزلنا علية الويندوز وكان /:E
وبعد كدة نضغط على Add Entry
ونروح بعد كدة على خيار Edit Boot Menu كما هو موضح فى الصورة التالية :

[ندعوك للتسجيل في المنتدى أو التعريف بنفسك لمعاينة هذه الصورة]

بكدة نكون ضيفنا الويندوز الجديد
تقدر تعمل الويندوز المستطب جديد ديفولت عشان هو الى يشتغل او يبدأ بالإقلاع بعد 30 ثانية
وتقدر تخلي الويندوز الى انت منزلة جديد يبقى فى الاول او التانى زى ما تحب
وتقدر تعدل على الفترة الزمنية بتاع الاقلاع الى هى 30 ثانية تقدر تحددها زى ما تحب .
وبعد كدة تعمل : Save Settings
وتقفل البرنامج وترستر ومبروك عليك الويندوز الجديد كما هو موضح فى الصورة التالية

[ندعوك للتسجيل في المنتدى أو التعريف بنفسك لمعاينة هذه الصورة]

البرامج تجدها على الرابط التالى:
[ندعوك للتسجيل في المنتدى أو التعريف بنفسك لمعاينة هذا الرابط]
شروحات الفيديو :
الجزء الاول على الاجهزة الوهمية :
[ندعوك للتسجيل في المنتدى أو التعريف بنفسك لمعاينة هذا الرابط]
الجزء التانى على جهاز الكمبيوتر :
[ندعوك للتسجيل في المنتدى أو التعريف بنفسك لمعاينة هذا الرابط]
ولو وجد اى مشكلة او خطأ يرجى إبلاغى لتصحيح الخطأ
ولو فى اى استفسار انا موجود وتحت امركم فى اى حاجة . اتمنى من الله التوفيق